P-05-794 Gostwng yr Oedran Pleidleisio i Un ar Bymtheg

Cyflwynwyd y ddeiseb hon gan Sgiliau, ar ôl casglu 87 o lofnodion ar-lein.

Geiriad y ddeiseb:

Rydym yn galw ar Gynulliad Cenedlaethol Cymru i ostwng yr oedran pleidleisio i un ar bymtheg ar gyfer yr etholiadau hynny lle y mae ganddo'r pwerau i wneud hynny.

Gwybodaeth ychwanegol:

Rydym yn byw mewn cymdeithas ddemocrataidd a dylai pob aelod ohoni feddu ar y gallu i fod yn gyfrifol am eu dewisiadau yn ein gwlad. Yn un ar bymtheg gallwch briodi, cael babi, a thalu trethi. Yn un ar bymtheg gallwch gyfrannu at economi'r wlad, ond ni allwch eto benderfynu sut y caiff arian cyhoeddus ei wario. 

Etholaeth a Rhanbarth y Cynulliad

· Islwyn         

· Dwyrain De Cymru